Nuk mundem dhe nuk dua ma të ju mallkoj në heshtje Ju ”disa burra politikëbërës” në Ulqin , që pa pardon po shkelni në emer të politikës GRUAN që u tregua e suksesëshme në çdo lami të jetës po edhe në politikëbërje dhe VENDIMMARRJE për të mirën e shoqërisë.

Dua të flasë me zë se ja kam borxh nënës, motrës dhe bijës time, por edhe të gjitha GRAVE tjera të nderuara. Ju “disa burra politikëbëres” në Ulqin shumë po i frigoheni suksesit të GRUAS . Ju po mundoheni në çdo mënyr t’ia “PERDREDHNI qafen” GRUAS që po ju sfidon duke qenë bashkëshorte, nëenë dhe profesionaliste e suksesëshme në punën e vetë, por edhe udhëheqëse e shkëlqyer që ju kaloi edhe disa “expertëve të mëdhenj”.

GRUAJA dëshmoi se din të punojë, të bashkëpunoj , të vendos me maturi, duke u ngritur si FENIKS mbi gërmadhat që Ju lat mbrapa vetit. Ju „disa burra politikëbërës” të Ulqinit nuk po ndaleni duke e shtypur me „çizmën” e politkës GRUAN , çdo herë që ajo dëshmon suksese me punën e saj për mirëqënjen shoqërore.

Po Ju „disa burra politikëbërës“ në Ulqin mundeni te ja ” përdredhni qafën “ me politikën e juaj mjerane, por nuk do të mundeni kurrë te ja humbëni dinjitetin, emrin e shenjtë nënë, bashkëshorte dhe profesionaliste e sukseshme.

Ju pyes Ju „disa burra politikëbërës“ në Ulqin si e shihni ju modelin e GRUAS në shoqërin tonë, vetëm si dekor i bukur pran jush në sfilatat politike, si amvise që din të gatuj peshkun kapama , laknorin apo piten lakuriqe. Po, ne dim dhe duam në emer të dashuris për famljen ti kryjm me suskses të gjitha këto punë , por ne dim ta punojmë me sukses edhe profesionin për të cilin u shkolluam, dim edhe të marrim vendime të rëndësishme për mirëqënien në shoqëri ku jetojmë, sikur ju të na “leshoni rrugen” me respekt.

Nuk çuditem që„ Ju disa burra politikëbërës“ të Ulqinit, po veproni në këtë mënyrë mjerane e të çoroditur ndaj GRUAS së suksesëshme në të gjitha sferat e jetës, sepse ju nuk dini ndryshe, nuk keni lexu, as ndëgju që një shoqëri mund të ketë mirëqënje, përparim dhe demokraci, vetëm aty ku egziston dhe respektohet BARAZIA GJINORE.

Ju „disa burra politikëberës“ në Ulqin hapeni rrugën që keni zënë me dhunë dhe inat, le të ECIM SE BASHKU ju dhe ne GRATË drejtë dituris, mirëkuptimit, dashuris mes njerëzve, të punojmë së bashku për interesat madhore e jo për interesat e inatet personale.

Jemi model për gjeneratat e reja, mos të dukemi të VEGJEL para tyre.

Dr. Sadije Hollaj