Shkruan: Muhamet Nika

HAOSI  NË TRAFIKUN URBAN E NDËRURBAN NË ULQIN

(VAZHDIM – II)

SEKRETARIATI MË I KORRUPTUAR

Nuk ka hamendje se njëri prej sekretariateve më vitalë të pushtetit lokal-  siç është ai për veprimtari komunale, shënohet   të jetë i organizuar në kundërshtim me kushtetutën ligjin dhe statutin e komunës. Ky sekretariat nga viti 2003 e këtej nis e   kryesohej nga UDSH( kur ndodh edhe kriminalizimi masovik i tij)… , për të vazhduar nga DPS dhe së fundmi udhëhiqet nga Forca.

Emëruesi i përbashkët i gjithë kuadrit udhëheqës të emëruar nga partitë e përmendura ishte se kuadri nuk i plotësonte kushtet e parapara me ligj , në aspektin e kualifikimit përkatës , përgatitjes shkollore  dhe përvojës udhëheqëse në të cilën udhëzon ligji . Kurse kuptohet që edhe zgjedhja e tyre ishte e pa ligjshme(nuk respektohej konkursi)…?!

Duke qenë i mbuluar me kuadër partiak, ai aktualisht kryeson në praktikën e punës së vet me shantazhe ndaj qytetarëve dhe del si më i korruptuari dhe i privatizuar totalisht nga partia , kurse së fundmi po duket se është edhe më i kriminelizuari….?!!! Ky konstatim nuk është vetëm i yni, por edhe i kontrollit të shtetit.

Përmendim që kontrolli i fundit nga shteti, u bë diku gjatë vitit 2005, me nisiativën e PPD- së (timen personale) , dhe përmes Osman Rexhës- nënkryetar i KK, kur i patëm shkruar direkt dy herë radhazi letër presidentit Gjukanoviq dhe premierit Vujanoviq. Cekim se të dhënat e kontrollit të shtetit ishin sa korruptuese aq edhe alarmante.

Kontrolli i kësaj kohe ,që kish përfshirë të gjithë sekretariatet e pushtetit lokal, pa sektorin publik, rezultoi përveç tjerash se gjendja në këtë sekretariat ishte shumë e keqe për sa i përket dokumentacionit të kontrolluar. Shuma e parave të gjetura në arkën e komunës, shpesh herë ,sipas raportit të paraqitur nga ai kuvendit të komunës rezultonte se nuk përputhej me shumën e lejeve të lëshuara nga sekretariati i cekur.. Çka do të thotë ,se sipas revizionit të shtetit, dikush fjala bie, kish marrë leje ndërtimi …, e nuk kishte paguar…?! Si duket kjo praktikë mund të vazhdojë edhe sot. Por për çudi , kjo punë nuk u hetua as nga opozita e atëhershme Forca dhe partitë tjera nacionale të opozitës…?!!

HAOSI  NË TRAFIKUN URBAN

Me ligj gjithë qytetarëve të Malit të Zi, SHTETI u garanton transportin publik kurse për transport të nxënësve , të sëmurëve , dëshmitarëve gjyqësore etj, shteti u mbulon edhe shpenzimet e udhëtimit.

Kjo gjë mund të vërtetohet edhe nga një ftesë e rëndomtë gjyqësore ku ceket mbulimi i shpenzimeve. Thënë më thjeshtë ligji nuk e ka paraparë mundësinë që brenda një komune, si në Ulqin, të mos ketë fare transport publik..?!

V ENDIMI EKZISTON POR NUK KA KUSH E ZBATON

Ç’ është e vërteta ana formale e transportit publik në Komunën e Ulqinit , figuron të jetë e rregulluar me një vendim të kryetarit G. Hajdinaga, të vitit 2007,por që ky vendim asnjëherë nuk u vu në jetë dhe kështu , i bie që komuna e Ulqinit të jetë e vetmja komunë në Mal të Zi, në të cilën nuk ka transport publik brenda qytetit bashkë me periferi..?!

Është e pa besueshme , por edhe politika e vënies së kioskave të Rrok Shpedit( që rrënoi Galebin), del të jetë e lidhur me politikën e linjave gjoja të autobusëve që figurojnë , dokumentin për këtë DO TA SJELLIM NË SHKRIMIN PASUES…?!

PO KUSH I OFRON KËTO SHËRBIME DHE SI ?!

Kjo punë kuptohet që i është lënë stihisë së taksive të ndryshëm , të cilët diktojnë dhe kanalizojnë politikën e qarkullimit urban – shumica punojnë edhe fare në mënyrë të egër…?!

Ndërsa gjendja e  amullisë  vazhdon edhe gjatë sezonit turistik kur numri i banorëve në Ulqin i kalon të 1000 mijë banorët .

E njëjta gjë vlen edhe për Anë të Malit, kur shtohet numri i linjave me autobusë prej Ulqinit për Shkodër ose Kosovë. Mirëpo qytetarëve nga Ana e Malit , deri vonë me sa kemi njohuri ne, nuk u lejohej as nisja me këto autobusë nga Katërkolla  të cilët vinin  nga Ulqini . Thjeshtë këtyre , u duhet të vijnë njëherë në Ulqin, për të paguar taksën e stacionit të Ulqinit?! Kurse kjo masë më së shumti , godet sidomos studentët nga Ana e Malit që studiojnë në Kosovë.

SI TË ZGJIDHET PROBLEMI

Fillimisht , për të pasur lidhje brenda qytetit me rrethina të tij, komuna do të duhej që urgjentisht të themelojë një ndërmarrje publike të kohës( me kapital aksionar..) e cila do të respektonte linjat e autobusëve që figurojnë në letër nga viti 90 ?!

Në të njëjtën kohë komuna do të duhej të subvencionojë nga buxheti i vet linjat jo rentabël dhe njëkohësisht të kushtëzojë transportuesit aktualë që kryejnë transport sezonal -gjatë verës për Shtoj , Shkodër e Kosovë që linjat e tilla t’i mbajnë edhe gjatë dimrit – të reduktuara duke ndihmuar trafikun lokal..

Në të njëjtën kohë të rregullohet e kontrollohet edhe politika e stacionit të autobusëve në Ulqin, në raport me trafikun urban e ndër urban të qytetit.

Kurse kuroja( terapia), më e mirë e zgjidhjes së këtij problemi diskriminues për qytetaret mbase mund të jetë edhe vetë thirrja edhe e një kuvendi alternativë me nënshkrimet e qytetarëve të interesuar e që janë të izoluar me qendrën.

(Vazhdon , publikimi i dokumenteve të skanuara me komentim)

Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„