Shkruan: Muhamet Nika,

 

Dëshira për monopol në informim me pasojat dhe sfidat …

Aktualisht po të vështrosh gjendjen e informimit shqip , del se ai i është nënshtruar një amullie të plotë si pasojë e rrethanave të ndryshme që lidhen me dëshirën e politikës për kontroll mbi mediat. Nga ana e tjetër zhvillimi i vrullshëm teknologjik ka bërë që” burgosja e informacionit”,“nga politika”për të fshehur të vërtetën, të bëhet fare e pa mundur. Avancimi i internetit kushtëzoi, që çdo politikë të krijojë sistemin e vet sulmues apo mbrojtës, për mes vep-faqeve të internetit, nga ku mbrohet ose sulmohet me mjete djallëzore pala kundërshtare. Kurse media konvencionale neutralizohet po thuaj se fare…?!!

Për ndryshe nuk ka se si të kuptohet, që të gjithë gazetarë heshtin , bashkë me ata të cilët me mua konkurruan në konkursin e shpallur për këshillin programor të Kohës Javore nga KKSH- dhe që nuk po realizohet.

Gjendja kësi soji   dihet se do të vazhdojë për sa të mos zgjidhet organi përkatës, dhe  rolin e tij ta kryej G.Niman Begu, si kryetar këshilli.?!!!

Pasi në media , gjëja më e përulur sipas neve është konformizmi informativ dhe pasi që ndoshta konkurrimi im për të qenë i zgjedhur në strukturën e këshillit ka krijuar ngërçin e cekur duke prishur interesat e sferave të ndikimit në mënyrë permanente, duke dashur të ndikoj që procesi i nisur të zhvillohet deri në fund, publikisht tërheq kandidaturën time për të qenë i zgjedhur në këshill . Me këtë rast, bashkohem, me të gjithë të tjerët , që e kishin në plan të konkurronin , por e injoruan me të drejtë atë, duke e para ndjerë skenarin që po luhej “ nga ajka – yndyra e kombit- KKSH-ja”?!! Kurse e gjithë kjo nuk nënkupton një pasivitet timin dhe animuzitet, në këtë drejtim veçse , përkundrazi , një veprim me pritje aktive. Kut them kështu aludoj edhe në mundësinë e thirrjes së kuvendit të elektorëve të Këshillit Kombëtar, për të shqyrtuar punën e ngërçit total të KKSH-së në shumë aspekte.

Edhe dy fjalë për  RTUL-in

Nuk mjaftoi që këtyre ditëve të vapës të bëjmë sehir vetëm në sjelljet e kryetarit të Këshillit Nacional- Genc Nimanbegut, që thjesht grabiti funksionin e tretë të radhës pas atij të deputetit dhe kryetarit të Këshillit Nacional- mendojmë në atë te këshillit në formim të Kohës Javore, por shohim se opinioni nuk mund të jetë i kënaqur as me dertet e Radio Ulqinit. Për këtë flet edhe shkrim i gazetarit Esat Mehmeti : Radio Ulqini (s)kremton 28 vjetorin e themelimit…?!

Sipas bindjeve të mija , mendoj se e teprojmë në përgjithësi, me idealizimin e punëve të së shkuarës . Sidomos kur kujtohemi e flasim gjatë jubileve të ndryshëm dhe harrojmë se datat dhe ngjarjet e tyre, dikur kishin për qëllim, tu bënin jehonë sa më të madhe do vendimeve  politike shtetërore që lidheshin  doemos me  procesin e ç’ kombëtarizimit shqiptarë në Mal të Zi.

Duke mos e zgjatur , shtojmë që edhe sot- fjala bie,  po të lypësh aktin e themelimit të radio Ulqinit, të para 28 viteve, sheh se qëllimi parësor i themelimit ishte destabilizimi i shtetit amë e jo informimi lokal. Edhe pse me këtë nuk po e mohojmë që ndonjë gazetarë të ketë bërë informim objektiv e kombëtar, por deri sa nuk pati gazetarë të sanksionuar , ky konstatim mbetet i dyshimtë.

Kujt i takon radio Ulqini-RTUL?!!!

Deri sa isha kryetar Parlamenti në Ulqin, me nisiativën time- organizova procedurën e themelimit të RTUL-it, duke e bërë zyrtar atë, edhe pse fare mirë e dija që nuk kishte interesim për te, as nga pozita e atëhershme DPS- UDSH,që kish mediume tjera dhe as nga opozita , që preferonteTV-Teutën.

Evidentohet që praktika e parë e infuzionit të TV-Teutës nga mjetet buxhetore të komunës- pa një rregullore transmetimi dhe vendim të financimit filloi e nisi me ardhjen e Forcës në krye të Kuvendit – Koha e XH. Cakulit . Kjo praktikë nuk u ndërpre dhe vazhdon edhe sot. Dhe kështu buxheti i Teutës, filloi të mbushej nga arka e komunës, në emër të shërbimeve të kryera mediatike për kuvend dhe komunë. Këtë e favorizonte edhe dëshira e politikanëve lokalë që preferonin ekranin, në vend se radion. Në fakt po i binte që mjetet nga hisja të cilat i takonin radio Ulqinit*RTUL-it – me buxhet të komunës t’i merrte TV -TEUTA.

Dhe tash kujt i takon radio Ulqini?! Sipas marrëveshjes për pushtet lokal- FORCË – PD, i bie që RTUL- të administrohet dhe mbikëqyret nga Partia Demokratike. Andaj mediave dhe portaleve të saja , nuk i bën fare përshtypje, as kur  TOP CHANEL – RTUL-it i dhuron një kamerë televizive?!

Si mik i Radios, dhe informimit shqip, nuk arrij ta kuptoj një gjë dhe prandaj   pyes:   Se si  për shembull ka mundësi, që kafshata ime ,e cila , më takon mua dhe as kujt tjetër ta marrë tjetri, pa të drejtë( dhe pa një vendim paraprak kuvendi e vetë të hesht…)?!!

Kujtojmë, që kur ekzekutivi i Forcës, në mandatin që shkoi, uli 30 % të rrogave të te punësuarve në komunë , për të punësuar 3o punëtorë të këtij subjekti, punëtorët e komunës u ankuan për paligjshmëri në gjykatë dhe kushtëzuan kthimin në gjendjen paraprake të pjesshme të tyre. Kurse tjetër, deri sa njëshi i ekzekutivit lejoi ekzekutimin e 3milion eurove borxhe të komunës në dëm të rrogave të tyre , sindikata e tyre, kërcënoj dhe paralajmëroi “bllokadë kolektive për minusin në rroga – Sipas ligjit dihet se rrogat kanë përparësi në raport me borxhet dhe për pasojë lëndët gjyqësore disi kanë filluar e rrallohen…?!

Duke përfunduar këtu shkrimin kujtojmë në atë që thuhet, se : “ Nëse kërkon ndihmë nga tjetri, fillimisht të takon të mbrosh veten e të rezistosh…?!!

Vëmë në dijeni, që sipas ligjit të ri edhe informimi kërkohet të privatizohet?! Por kjo edhe mund të simulohet me ligj, në momentin kur institucion, u mbetet të punësuarve disa rroga të pa shlyera . Ndoshta kjo edhe synohet të provokohet ?!

 

 

 

 

 

Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„