“Shqiptare për pesë milionë dinarë”; “Martesa e parë në Serbi  me shqiptare në Kurshumli”; “Nuset shqiptare mirëpriten në rajonin e Valjevës”.

Këto vetëm disa tituj që arritëm të shkëpusim nga gazetat serbe të cilat muajt e fundit kanë shkruar për martesat e serbëve me vajza shqiptare, madje duke i blerë ato deri në 5 mijë euro”.

Agjencia e lajmeve “Presheva Jonë” shkruan se deri tani mbi 800 femra nga Shqipëria janë martuar në Serbi.

Fillimisht bashkëshortët përdorin shërbimet e një përkthyesi, shkruajnë mediet serbe.

Veterinari serb,  një mesoburrë me të dyzetat  Andrej Kovaçeviç  nga fshati Drenajic në fushat e Shumadisë u martua me një grua të re shqiptare, Merita Mashi (17) nga Tirana. Kjo është e gjashta shqiptare i cila u martua në rajonin Valjevës.

Fenomeni i martesave të serbëve me vjazat shqiptare në Serbi shpjegohet me faktin se të rejat serbe janë larguar nga këto zona.

“Çmimi” që duhet të pagujë një burrë mbi 35 vjeç nga Serbia për t’u martuar me një vajzë shqiptare arrin deri në pesë milionë dinarë (5 mijë euro).

Vojislav Palija as që nuk kishte ëndërruar  një biznes të tillë të suksesshëm. Ai thotë me krenari se nga Shqipëria ka sjellë 5 vajza.

Një organizatë e ashtuquajtur humanitare “Stara Raška” nga Beogradi ka arritur që për një hark të shkurt kohor të gjejë mbi 400 femra shqiptare të gatshme për t’u martuar në Serbi.

 

Disa nga martesat mes serbëve dhe shqiptareve:

-Andrej Kovaçeviç (42) nga fshati Drenajic mayrtohet me Merita Mashi (17) nga Tirana

-Goran Acimoviç (44) punëtor i thjeshtë është martuar me Liza Pjetri (24) nga Puka

-Zharko Peric (42) me  Vera Prelja (27) nga Prekalja

-Dragisha Jovanovic (46) me origjinë nga Kosova martohet me Marijana Dedaj (25) .

Shekulli Online