Në fushat sportive të Klubit të Tenisit “ Bellevue” në Ulqin të martën u hap turneu i Grupit të dytë të Federation Cup, turneut më të madh ekipor në tenis për femra në botë, i cili mbahet për herë të parë në Mal të Zi

Tetë ekipe luftojnë për dy vende

Kryetari i Federatës së Tenisit të Malit të Zi Dimitrije Rashoviq në fjalën e hapjes tha se në këtë turne të grupit të dytë të zonës evro-afrikane Federation Kup marrin pjesë tenistet më të mira nga tetë shtete: Mali i Zi, Afrika e Jugut, Tunizia, Greqia, Turqia , Finlandda , Lituania dhe Estonia. Rashoviq shprehu besimin se ky turne prestigjioz i nivelit botëror është një nxitje shtesë në drejtim të avancimit të sportit të tenisit në Mal të Zi,por edhe një promovim i llojit të vet të Malit të Zi në të gjitha fushat.

„ Kjo garë ka rëndësi të madhe për zhvillimin dhe popullarizimin e sportit në Mal të Zi, dhe për prezantimin e shtetit tonë, jo vetëm në aspektin sportiv, por edhe kulturor e turistik. Përfaqësuesja e Malit të Zi e udhëhequr nga tenistja jonë më e mirë Danka Koviniq, tenistja me përvojë Danica Krstajiq, pastaj Ana Veselinoviq dhe tenistja më e re Vlladica Babiq jam i sigurt se do të japë më të mirën e mundshme për të arritur një rezultat pozitiv. Dëshiroj me këtë rast të falënderoj Klubin e Tenisit „ Bellevue“ dhe komunën e Ulqinit në krye me Nazif Cungun, të cilët arritën në afat shumë të shkurtër të kryejnë me sukses të gjitha përgatitjet e nevojshme për mbajtjen e këtij manifestimi sportiv pa marrë parasysh kushteve të këqia atmosferike të para disa ditëve“, tha Rashoviq. Ai të gjitha tenisteve në këtë garë u dëshiroi sukses dhe plasman sa më të mirë në rangun më të lartë, në grupin e parë të zonës evro-afrikane.

Në emër të nikoqirit, të pranishmit i përshëndeti kryetari i Komunës së Ulqinit Nazif Cungu i cili njëherazi është edhe kryetar i KT „ Bellevuee“.

„ Jam shumë i kënaqur si kryetar i Komunës së Ulqinit që jemi nikoqir i kësaj ngjarje të madhe sportive. Ndërkaq si kryetar i klubit „ Bellevue““ veçmas më vjen mirë që për tri vite kemi arritur të ndërtojmë një qendër të tenisit e cila dallohet nga të gjitha komplekset tjera në Mal të Zi, ndërsa klubi ynë i tenisit të radhitet ndër klubet më të mira në rajon. Ky turne për Ulqinin dhe ulqinakët është rast i mirë të tregojmë mikëpritjen dhe të promovojmë qytetin tonë “, theksoi Cungu.

Të pranishëm në ceremoninë e hapjes së turneut përveç përfaqësuesve të Federatës së Tenisit të Malit të Zi, ishin edhe përfaqësuesit e Federatës Botërore të Tenisit- ITF, përfaqësuesit e Komitetit Olimpik të Malit të Zi, përfaqësuesit e Federatës së Atletëve të Malit të Zi, deputetët shqiptarë në Kuvendin e Malit të Zi dhe përfaqësues të pushtetit lokal të Ulqinit.

Sot (e Shtune) eshte dita e fundit e turneut Fed Cup, dhe pas nje lufte te madhe dhe te gjate ndermjet skuadrave gjate ketyre 3 diteve, 4 grupe fituan shansin te luftojne per here te fundit per kualifikimin ne grupin e 1 qe eshte njekohesisht edhe grupi me I lart I keti turneut ku marrin pjese shtetet si Britania e Madhe, Amerika, Franca, Gjermania etj. Skuadrat qe do luftojne sot jane, Mali I Zi, Letonia, Tunisi edhe Lituania. Ne oren 10:00 fillojne lojerat edhe pritet nje publik I madhe. Sot gjithashtu ne public do marrin pjese perfaqsuesit e sportit te Malit te Zi, perfaqsuesit te komitetit olimpik te Malit te Zi si dhe perfaqsuesit e forcave politike.

Gjeke Gjonaj, Armend Milla