Nese deshironi qe ne menyre virtuale ta dini a keni drejt vote apo jo pyetni pyetsorin në ket Link:
Në këto zgjedhje të drejte vote kanë 512 mijë e 387 zgjedhës
Të drejtë vote në zgjedhjet parlamentare të tetorit në Mal të Zi do të kenë 512 mijë e 387 zgjedhës, që është 14 mijë e 82 më tepër se në zgjedhjet e mëparshme që janë mbajtur në mars të vitit 2009.
Sipas të dhënave të reja të Ministrisë për shoqëri informative dhe telekomunikacion, më së shumti zgjedhës ka në Podgoricë, mbi 143 mijë, kurse më së paku në Shavnik 1 mijë e 871. Në periudhën prej 30 marsit të vitit 2009 deri më 19 shtator të këtij viti, janë regjistruar mbi 48 mijë zgjedhës të ri.
Këta janë qytetarë që kanë fituar të drejtën e votës për të parën herë, kanë marrë shtetësinë e Malit të Zi dhe janë regjistruar në bazë të ndryshimit të vendqëndrimit në Mal të Zi dhe jashtë tij. Në të njëjtën kohë janë çregjistruar 34 mijë e 716 zgjedhës.
Kjo është bërë për shkak të vdekjes, humbjes së shtetësisë së Malit të Zi, çregjistrimit të vendqëndrimit dhe emigrimi jashtë Malit të Zi. Komisioni Zgjedhor Shtetëror publikon numrin e përgjithshëm të zgjedhësve më së voni tetë ditë para mbajtjes së zgjedhjeve.
TVCG