Koncert në Katërkollë për nder të 100 fëmijëve nga Kosova,100 fëmi për të festuar 100 vite pamvarësi
Për të gjashtin vit organizohet ardhja e fëmijëve nga Kosova, nga shoqata “Grupi veteranët e arsimit”me kryetare zonjën Naxhije Buçinca në bashkëpunim me shoqatën “Anima”dhe grupin e grave intelektuale nga Ulqini dhe Ana e Malit.
100 fëmi, një simbolik mjaft e qëlluar me një përvjetor të rëndësishem të historisë sonë 100 vjetorin e pamvarësisë.Është kjo nji mundësi shumë e mirë për të falenderuar Kosovën e cila në kohën më të vështirë të arsimit shqip në trevën tonë hapi dyert e gjimnazeve dhe fakulteteve dhe prodhoi kështu gjenerata e gjenerata intelektualesh
Fëmijët do të mbërrijnë në qytetin tonë të shtunen me dt.09 qeshor në ora 14:00 dhe do të qëndrojnë deri me 16.06.2012.Gjatë këtyre ditëve që fëmijët do të qëndrojnë në qytetin tonë janë të parapara aktivitete të ndryshme në nderim të tyre.Artistet e mirënjohura Tinka Kurti dhe Margarita Xhepa do të jenë të ftuara nderi në mbrëmjet e shfaqjes së koncerteve(me 14 qeshor në ora 20:00 në Qendrën për Kulturë, dhe në kinosallë me dt.16.06.2012 poashtu në ora 20:00).Poashtu këti aktiviteti do t’i bashkangjiten edhe shoqëri kulturo-artistike dhe këngëtar vendas, recitues dhe humoristë.
Përveç takimit me kryetarin e komunës Z.Nazif Cungun, vizitës në Kalanë e qytetit, pikturimit në plazh, vizites në Shasin antik, aktoret bashkë me 100 fëmijet do t’i bëjnë një vizitë shkollës “Gjergj Kastrioti-Skenderbeu”në Krajë dhe shkollës së vjetër në Katërkollë.
Është i madh numri i atyre që e përkrahin ketë organizim human dhe në të ardhmen e afërt do t’jua bëjmë publike listën e të gjithëve që kanë dhënë kontribut humanitar.
Nuk do ta quaja rastësi, që, një ngjarje madhore, sic ishte shpallja e Pavarësisë Kombëtare, të konturohej e të konkretizohej në Ulqinin tonë të përbashkët, në qytetin tonë simbol të unitetit atdhetar e historik.
Ngjarjet do të përcillen nga TELEVIZIONI 21 i Prishtinës dhe nga mediat lokale.
Shoqata e gruas “Anima dhe grupi i grave intelektuale
