Panairi ndërkombëtar i turizmit, gastronomisë dhe berza turistike

 

DITËT E TURIZMIT, Sarajevë 28-31 mars 2012

 

Turizmi si fenomen ekonomiko-shoqëror, edhe përkundër krizës ekonomike globale, është njëra nga degët e ekonomisë me zhvillim më të shpejtë dhe më të madh. Tregu turistik ka ndikim të rëndësishëm si në zhvillimin e përgjithshëm të një vendi ashtu edhe në prezervimin dhe ruajtjen e ekologjisë dhe trashigimisë kulturore të tij.   

 

Panairi  i 35 –të ndërkombëtar i turizmit, gastronomisë dhe berzës turistike, “Ditët e turizmit”,  i cili po zhvillohet në Sarajevë nga data 28 deri më 31 mars,  është një manifestim me peshë,  vendtakim i rëndësishëm dhe mjet efikas marketingo-propagandues për prezantimin e ofertës dhe shërbimeve të Ulqinit si destinacion turistik.  Për këtë arsye, Organizata turistike e Ulqinit, bazuar në programin informativo-propagandues për vitin 2012, në këtë eveniment të rëndësishëm turistik për herë të parë merr pjesë me banak të posaçëm, në sipërfaqe prej 25 m2  Analizat e dy –  tri vitëve të fundit tregojnë një rritje të dukshme të pushuesve nga Bosnja e Hercegovina  në Mal të Zi në përgjithësi, e në Ulqin në veçanti.

Nga mysafirët që vizituan banakun e OTU dhe bashkëbiseduesit e shumtë si:  ndihmës-ministri i Turizmit dhe Ekologjisë së federates së B & H , z. Babic,  djejtori i përgjithshëm i federatës së turizmit  të Kantonit  të Tuzlës, z. Fazliq, kryetari i dhomës së ekonomisë të kantonit të Sarajevës si dhe nga shumë kontakte të tjera, mësuam se interesimi për Malin e Zi dhe pikërisht për Ulqinin është në rritje e sipër.  Arsyet mbështeten si gjithmonë, në potencialin natyror që posedon Ulqini, në plazhet e bukura dhe jashtzakonisht mirë të menaxhuara, por edhe në përmirësimin e dukshëm të akomodimeve si në sektorin privat ashtu edhe në atë hotelier, posaçërisht  dy vitet e fundit. Stagnimi i çmimeve patjetër që është faktor joshës dhe mjaft determinues, pa harruar edhe shërbimet apo mikpritjën tradicionale e të rallë ulqinake që thjeshtë të përfiton dhe të bën për vete.

Gjithashtu u cek se në këtë rritje rëndësi të veçantë ka pasur edhe politika propaganduse më intensive e Ulqinit gjatë viteve të fundit, binjakzimi i Ulqinit me qytetin e vjetër të Sarajevës,  prezenca konstante në Bosnje përmes paraqitjeve të shumta në media, organizimi i vizitave të përfaqsuesëve të mediave në Ulqin, pjesëmarrja në panaire, si dhe aktivitetet e  Zyrës së Org. Nacionale të turizmit të MZ në Sarajevë.

Mysafirët u informuan mbi investimet dhe përgatitjet e shumta që po ndërmirren në përmirësimin e infrastukurës rrugore, ujore, elektrike, në rregullimin e hapsirës, në manaxhimin e bërllogut dhe mbeturinave dhe në shumë segmente tjera shoqërore për një sezon turistik të sukseshëm, i cili pritet të fillojë nga mesi i prillit kur Ulqinin do ta vizitojnë një grup turistësh si dhe përfaqësues të agjensioneve turistike në një turne pune në Mal të Zi.

 

Nga Kantoni i Tuzlës, Ulqini mori ftesë që më rastin e pjesëmarrjes në panairin e Lukovacit, i cili do të mbahet nga 10-12 maj 2012 të marrë edhe një grup foklorik nga Ulqini si mysafir nderi.  Ky grup folklorik do t’u bashkohet grupeve foklorike nga Kroacia, Serbia, Turqia, Ukraina dhe të ftuar të tjerë në shfaqje solemne dhe defilim nëpër qytet.

Gjatë zgjatjes së panairit u dhanë intervista promovuese të ofertës turistike të Ulqinit në disa rrjete televizive të Bosnjës e Hercegovinës, siç janë: TVSA, TV Zenica, Hema TV, TVTK, RTVFBIH, Radio BiH dhe paraqitje direkte në Radio Sarajevo live, programi i mëngjezit.

Drejtori i Org. Turistike i bëri një vizitë kortezie komunës “ Qyteti i vjetër” i Sarajevës ku u takua me këshilltaren e kryetarit të komunës Ibrahim Haxhibajriq, znj. Selma Veliq, e cila shprehu vullnetin të punohet në avansimin e mardhënjeve në mes dy qyteteve tani më të binjakzuara përmes ndonjë projekti konkret të finansuar nga IPA fondet.

 

Në panair morrën pjesë edhe përfaqësuesit e hotel Mediteran që prezentuan ofertën e tyre për sezonin verorë 2012.

Në vizitë mbështetëse ishin edhe përfaqësues të qeverisjes lokale të komunës së Ulqinit.

 

Sarajevë më 31.03.2012

Lajme nga Ulqini